網紅的藏寶箱奶奶尋晚請我同強哥去食海鮮自助餐
因為下星期強哥生日
佢又好想多謝我唔介意佢住左係我哋屋企咁耐
仲比錢請埋babysit （佢姪孫女）睇住兩個小朋友
真係好唔話得！
呢個海鮮buffet我覺得同香港有得比
好新鮮 有凍海鮮亦有蒸海鮮
仲有好多港式甜品 如：蛋撻、桂花糕…
所以我好相信個廚房一定有好多香港人
另外周圍都有好多枱講廣東話
由於間餐廳係賭場入邊
所以唔可以帶小朋友
我最開心係有豉汁炒蜆 令我食到爸爸嘅味道
因為我老豆好鐘意整豉汁炒蜆架
價錢大約$350港幣
加埋小費同稅 我估而家香港都未必有呢個價錢
所以不錯不錯👍🏻